| 1 | Ecquid Hyperboreis ad nos conversus ab oris Ausonias Caesar iam parat ire vias? Certus abest auctor, sed vox hoc nuntiat omnis: Credo tibi, verum dicere, Fama, soles. |
| 2 | Publica victrices testantur gaudia chartae, Martia laurigera cuspide pila virent. |
| 3 | Rursus, io, magnos clamat tibi Roma triumphos Invictusque tua, Caesar, in urbe sonas. |
| 4 | Sed iam laetitiae quo sit fiducia maior, Sarmaticae laurus nuntius ipse veni. |