| 1 | Non totam mihi, si vacabis, horam, Dones et licet inputes, Severe, Dum nostras legis exigisque nugas. |
| 2 | 'Durum est perdere ferias': rogamus, Iacturam patiaris hanc ferasque. |
| 3 | Quod si legeris ista cum diserto - Sed numquid sumus inprobi? - Secundo, Plus multo tibi debiturus hic est, Quam debet domino suo, libellus. |
| 4 | Nam securus erit, nec inquieta Lassi marmora Sisyphi videbit, Quem censoria cum meo Severo Docti lima momorderit Secundi. |