| 1 | Adlatres licet usque nos et usque Et gannitibus inprobis lacessas, Certum est hanc tibi pernegare famam, Olim quam petis, in meis libellis Qualiscumque legaris ut per orbem. |
| 2 | Nam te cur aliquis sciat fuisse? Ignotus pereas, miser, necesse est. |
| 3 | Non deerunt tamen hac in urbe forsan Unus vel duo tresve quattuorve, Pellem rodere qui velint caninam: Nos hac a scabie tenemus ungues. |