| 1 | Calliodorus habet censum - quis nescit? - equestrem, Sexte, sed et fratrem Calliodorus habet. |
| 2 | 'Quadringenta seca' qui dicit σῦκα μερίζει : Uno credis equo posse sedere duos? Quid cum fratre tibi, quid cum Polluce molesto? Non esset Pollux si tibi, Castor eras. |
| 3 | Unus cum sitis, duo, Calliodore, sedebis? Surge: σολοικισμὸν , Calliodore, facis. |
| 4 | Aut imitare genus Ledae - cum fratre sedere Non potes - : alternis, Calliodore, sede. |