| 1 | Caesaris alma dies et luce sacratior illa, Conscia Dictaeum qua tulit Ida Iovem, Longa, precor, Pylioque veni numerosior aevo Semper et hoc voltu vel meliore nite. |
| 2 | Hic colat Albano Tritonida multus in auro Perque manus tantas plurima quercus eat; Hic colat ingenti redeuntia saecula lustro Et quae Romuleus sacra Tarentos habet. |
| 3 | Magna quidem, superi, petimus, sed debita terris: Pro tanto quae sunt inproba vota deo? |