| 1 | Quintiliane, vagae moderator summe iuventae, Gloria Romanae, Quintiliane, togae, Vivere quod propero pauper nec inutilis annis, Da veniam: properat vivere nemo satis. |
| 2 | Differat hoc, patrios optat qui vincere census Atriaque inmodicis artat imaginibus. |
| 3 | Me focus et nigros non indignantia fumos Tecta iuvant et fons vivos et herba rudis. |
| 4 | Sit mihi verna satur, sit non doctissima coniunx, Sit nox cum somno, sit sine lite dies. |