| 1 | Quod nec carmine glorior supino Nec retro lego Sotaden cinaedum, Nusquam Graecula quod recantat echo Nec dictat mihi luculentus Attis Mollem debilitate galliambon: Non sum, Classice, tam malus poeta. |
| 2 | Quid si per gracilis vias petauri Invitum iubeas subire Ladan? Turpe est difficiles habere nugas Et stultus labor est ineptiarum. |
| 3 | Scribat carmina circulis Palaemon, Me raris iuvat auribus placere. |