| 1 | Verbera securi solitus leo ferre magistri Insertamque pati blandus in ora manum Dedidicit pacem subito feritate reversa, Quanta nec in Libycis debuit esse iugis. |
| 2 | Nam duo de tenera puerilia corpora turba, Sanguineam rastris quae renovabat humum, Saevos et infelix furiali dente peremit: Martia non vidit maius harena nefas. |
| 3 | Exclamare libet: 'crudelis, perfide, praedo, A nostra pueris parcere disce lupa!' |