| 1 | Illa manus quondam studiorum fida meorum Et felix domino notaque Caesaribus, Destituit primos viridis Demetrius annos: Quarta tribus lustris addita messis erat. |
| 2 | Ne tamen ad Stygias famulus descenderet umbras, Ureret inplicitum cum scelerata lues, Cavimus et domini ius omne remisimus aegro: Munere dignus erat convaluisse meo. |
| 3 | Sensit deficiens sua praemia meque patronum Dixit ad infernas liber iturus aquas. |