| 1 | Incustoditis et apertis, Lesbia, semper Liminibus peccas nec tua furta tegis, Et plus spectator quam te delectat adulter Nec sunt grata tibi gaudia si qua latent. |
| 2 | At meretrix abigit testem veloque seraque Raraque Submemmi fornice rima patet. |
| 3 | A Chione saltem vel ab Iade disce pudorem: Abscondunt spurcas et monumenta lupas. |
| 4 | Numquid dura tibi nimium censura videtur? Deprendi veto te, Lesbia, non futui. |