| 1 | O mihi post nullos, Iuli, memorande sodales, Si quid longa fides canaque iura valent, Bis iam paene tibi consul tricensimus instat, Et numerat paucos vix tua vita dies. |
| 2 | Non bene distuleris videas quae posse negari, Et solum hoc ducas, quod fuit, esse tuum. |
| 3 | Expectant curaeque catenatique labores, Gaudia non remanent, sed fugitiva volant. |
| 4 | Haec utraque manu conplexuque adsere toto: Saepe fluunt imo sic quoque lapsa sinu. |
| 5 | Non est, crede mihi, sapientis dicere 'Vivam': Sera nimis vita est crastina: vive hodie. |