| 1 | Facundos mihi de libidinosis |
| 2 | Legisti nimium, Sabelle, versus, |
| 3 | Quales nec Didymi sciunt puellae |
| 4 | Nec molles Elephantidos libelli. |
| 5 | Sunt illic Veneris novae figurae, |
| 6 | Quales perditus audeat fututor, |
| 7 | Praestent et taceant quid exoleti, |
| 8 | Quo symplegmate quinque copulentur, |
| 9 | Qua plures teneantur a catena, |
| 10 | Extinctam liceat quid ad lucernam. |
| 11 | Tanti non erat, esse te disertum. |