Martialis, 11, LXI.
| 1 | Lingua maritus, moechus ore Nanneius, |
| 2 | Summemmianis inquinatior buccis; |
| 3 | Quem cum fenestra vidit a Suburana |
| 4 | Obscena nudum Leda, fornicem cludit |
| 5 | Mediumque mavult basiare, quam summum; |
| 6 | Modo qui per omnes viscerum tubos ibat |
| 7 | Et voce certa consciaque dicebat, |
| 8 | Puer an puella matris esset in ventre: |
| 9 | - Gaudete cunni; vestra namque res acta est - |
| 10 | Arrigere linguam non potest fututricem. |
| 11 | Nam dum tumenti mersus haeret in volva |
| 12 | Et vagientes intus audit infantes, |
| 13 | Partem gulosam solvit indecens morbus. |
| 14 | Nec purus esse nunc potest nec inpurus. |