monumenta.ch > Martialis > 36
Martialis, 11, XXXV. <<<     >>> XXXVII.

Martialis, 11, XXXVI.

1 Gaius hanc lucem gemma mihi Iulius alba
2 Signat, io, votis redditus, ecce, meis:
3 Desperasse iuvat veluti iam rupta sororum
4 Fila; minus gaudent qui timuere nihil.
5 Hypne, quid expectas, piger? inmortale Falernum
6 Funde, senem poscunt talia vota cadum:
7 Quincunces et sex cyathos besemque bibamus,
8 Gaius ut fiat Iulius et Proculus.
Martialis HOME