| 1 | Sunt chartae mihi, quas Catonis uxor |
| 2 | Et quas horribiles legant Sabinae: |
| 3 | Hic totus volo rideat libellus |
| 4 | Et sit nequior omnibus libellis. |
| 5 | Qui vino madeat nec erubescat |
| 6 | Pingui sordidus esse Cosmiano, |
| 7 | Ludat cum pueris, amet puellas, |
| 8 | Nec per circuitus loquatur illam, |
| 9 | Ex qua nascimur, omnium parentem, |
| 10 | Quam sanctus Numa mentulam vocabat. |
| 11 | Versus hos tamen esse tu memento |
| 12 | Saturnalicios, Apollinaris: |
| 13 | Mores non habet hic meos libellus. |