| 1 | Non urbana mea tantum Pipleïde gaudent |
| 2 | Otia, nec vacuis auribus ista damus, |
| 3 | Sed meus in Geticis ad Martia signa pruinis |
| 4 | A rigido teritur centurione liber, |
| 5 | Dicitur et nostros cantare Britannia versus. |
| 6 | Quid prodest? Nescit sacculus ista meus. |
| 7 | At quam victuras poteramus pangere chartas |
| 8 | Quantaque Pieria proelia flare tuba, |
| 9 | Cum pia reddiderint Augustum numina terris, |
| 10 | Et Maecenatem si tibi, Roma, darent! |