| 1 | Quinte Caledonios Ovidi visure Britannos |
| 2 | Et viridem Tethyn Oceanumque patrem, |
| 3 | Ergo Numae colles et Nomentana relinquis |
| 4 | Otia, nec retinet rusque focusque senem? |
| 5 | Gaudia tu differs, at non et stamina differt |
| 6 | Atropos, atque omnis scribitur hora tibi. |
| 7 | Praestiteris caro - quis non hoc laudet? - amico, |
| 8 | Ut potior vita sit tibi sancta fides; |
| 9 | Sed reddare tuis tandem mansure Sabinis |
| 10 | Teque tuas numeres inter amicitias. |