| 1 | Haec est illa meis multum cantata libellis, |
| 2 | Quam meus edidicit lector amatque togam. |
| 3 | Partheniana fuit quondam, memorabile vatis |
| 4 | Munus: in hac ibam conspiciendus eques, |
| 5 | Dum nova, dum nitida fulgebat splendida lana, |
| 6 | Dumque erat auctoris nomine digna sui: |
| 7 | Nunc anus et tremulo vix accipienda tribuli, |
| 8 | Quam possis niveam dicere iure tuo. |
| 9 | Quid non longa dies, quid non consumitis anni? |
| 10 | Haec toga iam non est Partheniana, mea est. |