| 1 | Horas quinque puer nondum tibi nuntiat, et tu |
| 2 | Iam conviva mihi, Caeciliane, venis, |
| 3 | Cum modo distulerint raucae vadimonia quartae |
| 4 | Et Floralicias lasset harena feras. |
| 5 | Curre, age, et inlotos revoca, Calliste, ministros; |
| 6 | Sternantur lecti: Caeciliane, sede. |
| 7 | Caldam poscis aquam: nondum mihi frigida venit; |
| 8 | Alget adhuc nudo clusa culina foco. |
| 9 | Mane veni potius; nam cur te quinta moretur? |
| 10 | Ut iantes, sero, Caeciliane, venis. |