| 1 | 'Si quid opus fuerit, scis me non esse rogandum' |
| 2 | Uno bis dicis, Baccara, terque die. |
| 3 | Appellat rigida tristis me voce Secundus: |
| 4 | Audis, et nescis, Baccara, quid sit opus. |
| 5 | Pensio te coram petitur clareque palamque: |
| 6 | Audis, et nescis, Baccara, quid sit opus. |
| 7 | Esse queror gelidasque mihi tritasque lacernas: |
| 8 | Audis, et nescis, Baccara, quid sit opus. |
| 9 | Hoc opus est, subito fias ut sidere mutus, |
| 10 | Dicere ne possis, Baccara: 'Si quid opus'. |