| 1 | Ad natalicias dapes vocabar, |
| 2 | Essem cum tibi, Sexte, non amicus: |
| 3 | Quid factum est, rogo, quid repente factum est, |
| 4 | Post tot pignora nostra, post tot annos |
| 5 | Quod sum praeteritus vetus sodalis? |
| 6 | Sed causam scio: nulla venit a me |
| 7 | Hispani tibi libra pustulati |
| 8 | Nec levis toga nec rudes lacernae. |
| 9 | Non est sportula, quae negotiatur; |
| 10 | Pascis munera, Sexte, non amicos. |
| 11 | Iam dices mihi 'Vapulet vocator.' |