monumenta.ch > Martialis > 16 > 28 > 22 > 88 > 11 > 93 > 21 > 62 > 10 > 59 > 17 > 66
Martialis, 6, LXV. <<<     >>> LXVII.

Martialis, 6, LXVI.

1 Famae non nimium bonae puellam,
2 Quales in media sedent Subura,
3 Vendebat modo praeco Gellianus.
4 Parvo cum pretio diu liceret,
5 Dum puram cupit adprobare cunctis,
6 Adtraxit prope se manu negantem
7 Et bis terque quaterque basiavit.
8 Quid profecerit osculo, requiris?
9 Sescentos modo qui dabat, negavit.
Martialis HOME