| 1 | Quod non sit Pylades hoc tempore, non sit Orestes, |
| 2 | Miraris? Pylades, Marce, bibebat idem, |
| 3 | Nec melior panis turdusve dabatur Orestae, |
| 4 | Sed par atque eadem cena duobus erat. |
| 5 | Tu Lucrina voras, me pascit aquosa peloris: |
| 6 | Non minus ingenua est et mihi, Marce, gula. |
| 7 | Te Cadmea Tyros, me pinguis Gallia vestit: |
| 8 | Vis te purpureum, Marce, sagatus amem? |
| 9 | Ut praestem Pyladen, aliquis mihi praestet Oresten. |
| 10 | Hoc non fit verbis, Marce: ut ameris, ama. |