| 1 | Adlatres licet usque nos et usque |
| 2 | Et gannitibus inprobis lacessas, |
| 3 | Certum est hanc tibi pernegare famam, |
| 4 | Olim quam petis, in meis libellis |
| 5 | Qualiscumque legaris ut per orbem. |
| 6 | Nam te cur aliquis sciat fuisse? |
| 7 | Ignotus pereas, miser, necesse est. |
| 8 | Non deerunt tamen hac in urbe forsan |
| 9 | Unus vel duo tresve quattuorve, |
| 10 | Pellem rodere qui velint caninam: |
| 11 | Nos hac a scabie tenemus ungues. |