| 1 | 'Centum Coranus et ducenta Mancinus, |
| 2 | Trecenta debet Titius, hoc bis Albinus, |
| 3 | Decies Sabinus alterumque Serranus; |
| 4 | Ex insulis fundisque tricies soldum, |
| 5 | Ex pecore redeunt ter ducena Parmensi': |
| 6 | Totis diebus, Afer, hoc mihi narras |
| 7 | Et teneo melius ista, quam meum nomen. |
| 8 | Numeres oportet aliquid, ut pati possim: |
| 9 | Cotidianam refice nauseam nummis: |
| 10 | Audire gratis, Afer, ista non possum. |