| 1 | Dum nimium vano tumefactus nomine gaudes |
| 2 | Et Saturninum te, miser, esse pudet, |
| 3 | Impia Parrhasia movisti bella sub ursa, |
| 4 | Qualia qui Phariae coniugis arma tulit. |
| 5 | Excideratne adeo fatum tibi nominis huius, |
| 6 | Obruit Actiaci quod gravis ira freti? |
| 7 | An tibi promisit Rhenus quod non dedit illi |
| 8 | Nilus, et Arctois plus licuisset aquis? |
| 9 | Ille etiam nostris Antonius occidit armis, |
| 10 | Qui tibi conlatus, perfide, Caesar erat. |