| 1 | Caesaris alma dies et luce sacratior illa, |
| 2 | Conscia Dictaeum qua tulit Ida Iovem, |
| 3 | Longa, precor, Pylioque veni numerosior aevo |
| 4 | Semper et hoc voltu vel meliore nite. |
| 5 | Hic colat Albano Tritonida multus in auro |
| 6 | Perque manus tantas plurima quercus eat; |
| 7 | Hic colat ingenti redeuntia saecula lustro |
| 8 | Et quae Romuleus sacra Tarentos habet. |
| 9 | Magna quidem, superi, petimus, sed debita terris: |
| 10 | Pro tanto quae sunt inproba vota deo? |