monumenta.ch > Martialis > 52 > 53 > 49 > 71 > 24 > 98 > 90 > 99 > 82 > 11 > 29 > 60 > 85 > 55 > 34 > 96 > 68 > 47 > 91 > 75
Martialis, 2, LXXIV. <<<     >>> LXXVI.

Martialis, 2, LXXV.

1 Verbera securi solitus leo ferre magistri
2 Insertamque pati blandus in ora manum
3 Dedidicit pacem subito feritate reversa,
4 Quanta nec in Libycis debuit esse iugis.
5 Nam duo de tenera puerilia corpora turba,
6 Sanguineam rastris quae renovabat humum,
7 Saevos et infelix furiali dente peremit:
8 Martia non vidit maius harena nefas.
9 Exclamare libet: 'crudelis, perfide, praedo,
10 A nostra pueris parcere disce lupa!'
Martialis HOME

cbo90.162v