| 1 | Quidquid ponitur hinc et inde verris, |
| 2 | Mammas suminis imbricemque porci |
| 3 | Communemque duobus attagenam, |
| 4 | Mullum dimidium lupumque totum |
| 5 | Muraenaeque latus femurque pulli |
| 6 | Stillantemque alica sua palumbum. |
| 7 | Haec cum condita sunt madente mappa, |
| 8 | Traduntur puero domum ferenda: |
| 9 | Nos accumbimus otiosa turba. |
| 10 | Ullus si pudor est, repone cenam: |
| 11 | Cras te, Caeciliane, non vocavi. |