monumenta.ch > Martialis > 90 > 79 > 99 > 77 > 97 > 65 > 24
Martialis, 2, XXIII. <<<     >>> XXV.

Martialis, 2, XXIV.

1 Si det iniqua tibi tristem fortuna reatum,
2 Squalidus haerebo pallidiorque reo:
3 Si iubeat patria damnatum excedere terra,
4 Per freta, per scopulos exulis ibo comes.
5 Dat tibi divitias: ecquid sunt ista duorum?
6 Das partem? multum est? Candide, das aliquid?
7 Mecum eris ergo miser: quod si deus ore sereno
8 Adnuerit, felix, Candide, solus eris.
Martialis HOME

cbo90.162v