| 1 | Indignas premeret pestis cum tabida fauces |
| 2 | Inque ipsos vultus serperet atra lues, |
| 3 | Siccis ipse genis flentes hortatus amicos |
| 4 | Decrevit Stygios Festus adire lacus. |
| 5 | Nec tamen obscuro pia polluit ora veneno |
| 6 | Aut torsit lenta tristia fata fame, |
| 7 | Sanctam Romana vitam sed morte peregit |
| 8 | Dimisitque animam nobiliore rogo. |
| 9 | Hanc mortem fatis magni praeferre Catonis |
| 10 | Fama potest: huius Caesar amicus erat. |