| 1 | Incustoditis et apertis, Lesbia, semper |
| 2 | Liminibus peccas nec tua furta tegis, |
| 3 | Et plus spectator quam te delectat adulter |
| 4 | Nec sunt grata tibi gaudia si qua latent. |
| 5 | At meretrix abigit testem veloque seraque |
| 6 | Raraque Submemmi fornice rima patet. |
| 7 | A Chione saltem vel ab Iade disce pudorem: |
| 8 | Abscondunt spurcas et monumenta lupas. |
| 9 | Numquid dura tibi nimium censura videtur? |
| 10 | Deprendi veto te, Lesbia, non futui. |