Martialis, 1, III.
| 1 | Argiletanas mavis habitare tabernas, |
| 2 | Cum tibi, parve liber, scrinia nostra vacent. |
| 3 | Nescis, heu, nescis dominae fastidia Romae: |
| 4 | Crede mihi, nimium Martia turba sapit. |
| 5 | Maiores nusquam rhonchi: iuvenesque senesque |
| 6 | Et pueri nasum rhinocerotis habent. |
| 7 | Audieris cum grande sophos, dum basia iactas, |
| 8 | Ibis ab excusso missus in astra sago. |
| 9 | Sed tu ne totiens domini patiare lituras |
| 10 | Neve notet lusus tristis harundo tuos, |
| 11 | Aetherias, lascive, cupis volitare per auras: |
| 12 | I, fuge; sed poteras tutior esse domi. |