| 1 | Quidquid in Orpheo Rhodope spectasse theatro |
| 2 | Dicitur, exhibuit, Caesar, harena tibi. |
| 3 | Repserunt scopuli mirandaque silva cucurrit, |
| 4 | Quale fuisse nemus creditur Hesperidum. |
| 5 | Adfuit inmixtum pecori genus omne ferarum |
| 6 | Et supra vatem multa pependit avis, |
| 7 | Ipse sed ingrato iacuit laceratus ab urso. |
| 8 | Haec tantum res est facta παρ' ἱστορίαν. |
| 9 | XXIb |
| 10 | Orphea quod subito tellus emisit hiatu, |
| 11 | Versa (miramur?) venit ab Eurydice. |