Iustinus, Epitoma, 00a, 30

monumenta.ch > Macrobius > 3 > 30
Iustinus, Epitoma, a, PROLOGUS LIBRI XXIX <<< >>> PROLOGUS LIBRI XXXI

Iustinus, Epitoma, 0a, PROLOGUS LIBRI XXX

s. Tricensimo volumine continentur haec. Ut mortuo Ptolomaeo Tryphone filius eius Philopator Antiochum regem vicit Raphiae, ipse amore Agathocleae corruptus decessit relicto filio pupillo, in quem cum Philippo rege Macedonum consensit Antiochus. Philippi deinde gesta in Asia, cum movisset Attalo bella: a quibus reversus bellum habuit cum ducibus Romanis Sulpicio et Flaminino, a quibus victus; pax. Transitus deinde ad res Antiochi, qui post regnum acceptum persecutus defectores in Mediam Molonem, in Asiam Achaeum, quem obsedit Sardibus, pacata superiore Asia Bactris tenus in bella Romana descendit.