Iustinus, Epitoma, 00a, 24

monumenta.ch > Iustinus > 43 > 28 > 3 > 3 > 3 > 2 > 4 > 5 > 3 > 24
Iustinus, Epitoma, a, PROLOGUS LIBRI XXIII <<< >>> PROLOGUS LIBRI XXV

Iustinus, Epitoma, 0a, PROLOGUS LIBRI XXIV

s. Quarto et vicensimo volumine continentur haec. Bellum quod inter Antigonum Gonatam et Antiochum Seleuci filium in Asia gestum est. Bellum, quod Ptolomaeus Ceraunus in Macedonia cum Monio Illyrio et Ptolomaeo Lysimachi filio habuit, utque Arsinoen sororem suam imperio Macedonicarum urbium exuit, ipse cum Belgio Gallorum duce congressus interiit. Repetitae inde Gallorum origines qui Illyricum occuparunt; atque ut ingressi Graeciam Brenno duce Delphis victi deletique sint.