Isidorus, Synonyma de lamentatione animae peccatricis, LIBER SECUNDUS., 101.
| 1 | Gratias ago, gratias refero, gratiarum actiones rependo, actiones gratiarum persolvo. |
| 2 | Ago atque habeo uberem tibi gratiam; quantas valeo, gratias celebro, quantas pro viribus possum gratias ago. |
| 3 | Multa sunt a te mihi concessa, multa collata, multa speciali miseratione largita. |
| 4 | Omnia mihi placent, omnia grata sunt, omnia insederunt animo, omnia blandiuntur mihi, omnia me oblectant. |
| 5 | Quam igitur satisfactionem persolvam? quam remunerationem rependam? quid compensare possum donis tuis, nisi ut tuis praeceptis utar, tibi semper obtemperem, tibi paream, tibi iubenti obediam? |