Isidorus, Synonyma de lamentatione animae peccatricis, LIBER SECUNDUS., 98.
| 1 | De tuis iustis laboribus ministra pauperibus; non auferas alteri unde alteri tribuas, nec te misericordem ostendas de alieno spolio. |
| 2 | Nihil prodest, si alterum inde reficis unde alium inanem facis. |
| 3 | Condemnat miseratio ista, non propitiat. |
| 4 | Talis misericordia peccata non purgat, sed amplificat. |
| 5 | Bonum quod facis misericordiae causa, non iactantiae, facito; nihil studeas propter laudem, nihil propter temporalem opinionem, nihil propter famam, sed propter vitam aeternam; quidquid agis, pro futura age mercede; aeternae remunerationis exspectatio te teneat amplius. |
| 6 | Nec quod ad huius, sed quod ad vitae aeternae gloriam prosit quaeras . |