| 1 | Quod habes, habeto ad misericordiam; suffragetur virtus tua egeni inopiae. |
| 2 | Si quem positum in necessitate cognoveris, si quem ad inopiam redactum, si quem direptione alicuius exinanitum, si quem oppressum, si quem humiliatum, nullum contemnas, nullum spernas, nullum despicias, vacuum nullum dimittas, nullus a te tristis abscedat, nemo a te confusus abeat. |
| 3 | Omnibus communica, omnibus tribue, omnibus praebe; non eligas cui miserearis, ne forte praetereas eum qui meretur accipere. |
| 4 | Incertus es pro quo magis placeas Deo, nescis pro quo tibi maior fructus iustitiae praeparetur. |