Isidorus, Synonyma de lamentatione animae peccatricis, LIBER SECUNDUS., 82.
| 1 | Nullum contra veritatem defendas; dum iudicas, nullius personae affectu deflectaris a vero. |
| 2 | Pauper an dives sit, causam perspice, non personam. |
| 3 | In omnibus veritatem custodi, nulla ambitione vel pretio movearis. |
| 4 | Sperne etiam munus, ne per id iustitia corrumpatur; munera semper veritatem praevaricant. |
| 5 | Cito enim violatur auro iustitia, cito corrumpitur munere; de iusto iudicio temporalia lucra non appetas, pro iustitia nullum saeculi praemium quaeras. |
| 6 | Iustitiam pro sola aeterna remuneratione distribue. |