Isidorus, Synonyma de lamentatione animae peccatricis, LIBER SECUNDUS., 81.
| 1 | Quod tibi fieri vis, fac alteri; quod vis ut faciat alius tibi, hoc et tu facito illi: talis esto aliis quales esse optas circa te alios. |
| 2 | Testimonio tuo nulli noceas, ad nullius periculum vocem testificationis adhibeas. |
| 3 | Sermo tuus nec animae cuiusquam, nec rebus noceat. |
| 4 | Quod non vis pati, non facias; quod non vis fieri tibi, alteri nunquam facias; non inferas alii mala, ne patiaris similia. |
| 5 | In te serva modestiam, in aliis serva iustitiam, tene iuris aequitatem, sequere veritatem iudiciorum. |