Isidorus, Synonyma de lamentatione animae peccatricis, LIBER SECUNDUS., 79.
| 1 | Causas rerum et temporum regulas inspice, singulorum operum discretionem agnosce; diligenter distingue omnia quae agis; qualiter bonum incipias, qualiter peragas, scito. |
| 2 | In omni actione tene discretionem, in nulla re indiscretus appareas. |
| 3 | Servi unicuique virtuti congrue in tempore suo; cum bene distinxeris opus tuum, optime iustus eris. |
| 4 | Quidquid boni cum discretione feceris, virtus est; quidquid sine discretione gesseris, vitium est. |