| 1 | Malum facere iussus, non acquiescas; malum facere iussus, non consentias. |
| 2 | Noli in malum potestati cuidam consentire, etiam si poena compellat, si supplicia immineant, si tormenta occurrant; melius est mortem pati quam perniciosa iussa complere, melius est ab homine iugulari quam damnari aeterno iudicio; non solum factores, sed etiam conscii peccati tenentur obnoxii, nec enim est immunis a scelere, qui ut fieret obedivit. |
| 3 | Similis est qui obtemperat in malo ei qui agit malum, facientem et obsequentem par poena constringit. |