Isidorus, Synonyma de lamentatione animae peccatricis, LIBER SECUNDUS., 52.
| 1 | Pari reatu detrahentes et audientes tenentur, utrisque simile discrimen impenditur. |
| 2 | Qui detrahentem audit et is qui detrahit aequaliter iudicantur; quod ad te non pertinet noli quaerere, quid inter se loquantur homines cognoscere nunquam desideres. |
| 3 | Noli quaerere quid quisque dicat vel faciat; devita curiositatem, omitte curas alienae vitae, omitte curam quae ad causam tuam non pertinet. |
| 4 | Nulla curiositas animum tuum capiat, nulla te concupiscentia detestandae curiositatis subripiat, nec, oblitus tuorum morum, alienos perquiras; tanta cura corrige vitia tua, quanto studio perspicis aliena. |