Isidorus, Synonyma de lamentatione animae peccatricis, LIBER SECUNDUS., 48.
| 1 | Tolle insidianti occasionem, non pateat inimici iaculis os tuum, non loquaris quod excipiat adversarius. |
| 2 | Amicum semper habeto silentium, pone custodiam ori tuo, labiis tuis signaculum praebe, oppone linguae tuae claustra silentii, circumclude linguam munitione custodiae. |
| 3 | Intende opportunitatem loquendi, tempus proferendi sermones inquire, scito quo tempore loquaris, considera quando dicas, tempore congruo loquere, tempore congruo tace. |