Isidorus, Synonyma de lamentatione animae peccatricis, LIBER SECUNDUS., 33.
| 1 | Disce a Christo modestiam, disce tolerantiam, Christum attende, et non doleas iniurias. |
| 2 | Pro nobis namque passus, nobis reliquit exemplum (I Pet. II, 21); palmis enim percussus, flagellis caesus, sputis derisus, clavis confixus, spinis coronatus, cruci damnatus, semper conticuit. |
| 3 | Magna est virtus, si non laedas, a quo laesus es; magna est fortitudo, si etiam laesus remittas; magna est gloria, si cui potuisti nocere parcas. |
| 4 | Quando enim conviciaris, propter peccata tua contigit tibi; quando iniuriaris, mala tua id faciunt. |
| 5 | Quidquid tibi contigit adversum, pro tuo peccato existima evenire; consideratione ergo iustitiae dolorem tempera. |