| 1 | Si praevenerit iracundia, restringe illam; si praeoccupaverit, mitiga eam. |
| 2 | Tempera furorem, tempera indignationem, cohibe animi motum, refrena iracundiae impetum. |
| 3 | Si non potes iram vitare, vel tempera; si non potes furorem cavere, vel cohibe: promptior esto ad suscipiendam quam ad inferendam molestiam. |
| 4 | Disce mala magis tolerare quam facere, disce mala ferre potius quam referre. |
| 5 | Cave ne sis ultor iniuriarum tuarum. |