Isidorus, Synonyma de lamentatione animae peccatricis, LIBER SECUNDUS., 27.
| 1 | Si prosperitas arriserit, non extollaris; si adversitas acciderit, non deiiciaris; si felicitas eluceat, non sis iactans; si calamitas contigerit, pusillanimis non existas. |
| 2 | Habeto temperamentum in prosperis, habeto patientiam in adversis. |
| 3 | Probari te in dolore cognosce, ne frangaris. |
| 4 | Probari te in prosperitate cognosce, ne exalteris: aequalis esto in omnibus. |
| 5 | Mentem nec gaudio, nec moerore commutes; omnia aequali iure sustine, nulla insolentia commuteris. |