Isidorus, Synonyma de lamentatione animae peccatricis, LIBER SECUNDUS., 6.
| 1 | Sit animus tuus ab omni pollutione purgatus. |
| 2 | Sit mens tua pura, nullae ibi sordes resideant. |
| 3 | Sic vitium absterge a te, ut nec animo quidpiam apud te remaneat. |
| 4 | Scito te de cogitationibus iudicandum. |
| 5 | Deus conscientias iudicat. |
| 6 | Deus non solum carnem, sed et mentem examinat. |
| 7 | Deus iudex et de cogitationibus iudicat animam. |
| 8 | Quando titillat prava cogitatio, non consentias illi. |
| 9 | Quando suggerit aliquid illicitum, non ibi teneas animum; primam peccati suggestionem contemne, non sinas eam in corde tuo manere. |
| 10 | Quacunque hora venerit, expelle illam; ut apparuerit scorpio, contere eum. |
| 11 | Caica serpentis caput, calca pravae suggestionis initium. |