| 1 | Non delinquas in opere, qui in fide perfectus es. |
| 2 | Fidem turpiter vivendo non polluas, fidei integritatem pravis moribus non corrumpas, nihil contra praeceptum Dei facias; vive in bono, nullo adiuncto malo, bonos mores nulla conversatio mala coinquinet, opera recta sinistra facta non maculent; non admisceas virtutibus vitium, non adiungas bonis malum, malum mistum bonis contaminat plurima bona. |
| 3 | Unum malum multa bona perdit. |
| 4 | Qui in uno peccaverit, eum omnibus vitiis subiacere scito (Iac. II, 10). |